كتب: محمد بهيج

 

-قوة عظمى (امريكا) تضغط لفتح حدودنا أمام تهجير اهل غزه لسيناء بعد أن أعطت إسرائيل حماس حكم غزه فى مسرحيه هزليه من سنين

 

-وكيل هذه القوة فى المنطقه العربيه(إسرائيل) يهدد أمننا القومى ويحاول بكل ما اوتى من قوة استفزازنا وجر شكلنا

 

-دوله تدفع لتشويه صورتنا ودورنا فى المفاوضات 

 

-دول أخرى تحرك القلاقل بجميع حدودنا لأنهم يعلمون أن مصر رمانة ميزان المنطقه واى محتل يريد أن يسيطر على المنطقه لابد له من السيطره على مصر اولا ولكن هيهات 

 

-وقبل كل هؤلاء عدونا الأساس منافقى العصر (الاخوان ) الذى ابتلينا بهم يحاولوا إسقاط الاقتصاد وكل مؤسسات الدوله بحيلهم الخبيثه التى تعلمها على يد كبيرهم الذى علمهم السحر (اسرائيل)

 

-وبعد كل ده بنسال هو ليه احنا بنشترى حاملات الطائرات والرافال والغواصات وبنقوى الجيش وبننشئ طرق هو احنا داخلين فى حرب واللا ايه (هو انت البعيد أعمى وكمان بتفهمش)

 

-يا ريت تسمع كلام الله الاول ( يمكن تفهم وتتدبر وتعى خطورة الأمر )

 

(ولنبلونكم بشئ من الخوف والجوع ونقص من الأموال والانفس والثمرات وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة واولئك هم المهتدون )

 

صدق الله العظيم 

 

-قدم رب العزه الخوف فى الابتلاء على نقص الأموال والانفس والثمرات فإذا فيه خوف لا هتعرف تاكل ولا تشتغل ولا تزرع ولا تصرف ولا تخرج لتصل رحم او تشترى وتبيع ما هى (فوضه خلاقه ) زى ما قالت الحسناء الرقطاء(كوندوليزا رايس) هتخلق بلطجه وترويع الآمنين ولو نتذكر (يا ريت بس نتذكر ) ايام الثورات ثورة يناير ويونيو كانت بروفه بسيطه كده للى ممكن يحصل ولو نتذكر بردوا لما خطب الرئيس مبارك وقال (سيحكم التاريخ بما لنا وما علينا) الناس بدات تتعاطف والثوار فى التحرير بداوا يلموا خيامهم فالاخوان قاموا بتدبير موقعة الجمل ثم بثت الجزيره تقرير أن مبارك يمتلك رصيد فى بنوك سويسرا يقدر ب 70 مليار دولار وبدأ كل واحد يمسك الإله الحاسبه ويقسم ال 70 مليار دولار على 120 مليون مواطن عشان يعرف نصيبه كام فى الفلوس دى ونزل الاستاذ وائل غنيم مصر على الجمل عشان الكل يقسم فينا والحمد لله رب العالمين كما ينبغي لجلال وجهه وعظيم سلطانه الثورة نجحت وطار الرئيس مبارك عليه رحمة الله عشان فى سنه واحده بس ينكشف زيف عقيدة الاخوان وخداعهم لنا طوال ما يقرب من (100) سنه كدب وهم يقولوا ويصرخوا(الإسلام هو الحل ) وما رأينا فيهم اسلام ولا حل

 

-يا مؤمن سيدنا عمر مدة خلافته كانت (8) سنوات و (6) شهور و(4) ليالى دى كل مدة خلافته فتح من إيران شرقا إلى مصر غربا وجزء من الشمال الافريقى بل وهزم القوتين العظميين فى ذلك الوقت فارس (ايران) والروم (دول أوروبا ) وانت (100) سنه مصدعنا بكلام بس من غير فعل وادونا الفرصه ادونا الفرصه واول ما اخد الفرصه روعنا وخوفنا وقتل الأطفال والشباب وكان هيسلمنا لليهود وامريكا 

 

(أليس فيكم رجل رشيد)

 

-فإذا أراد الاخوان حكم مصر بل والعالم فنصيحتى لهم أن يخلعوا عباءة الدين طيب ليه ؟؟ عشان ممكن تضحكوا علينا وعلى العالم كله بمكركم ولكن ربنا سبحانه تعالى مينضحكش عليه ربنا عالم بسركم وجهركم ونجواكم مع شياطينكم 

 

(اللهم اهد قومى فإنهم لا يعلمون )

 

-طبتم وطاب صباحكم بكل خير 

 

-وانتظرونا فى المقال القادم بجريدة الدستور 

 

-العظات والعبر من قصة سيدنا موسى مع سيدنا الخضر . ومن هو سيدنا الخضر ؟؟