nasser nasser
كتبت : ضحى الشريف
في ليلة من ليالي ألف ليلة وليلة، احتفل النجمان ليلى زاهر وهشام جمال بزفافهما وسط أجواء مبهرة في هرم سقارة بالجيزة، بحضور نخبة من نجوم الفن والإعلام والرياضة. الحفل تصدّر الترند وخطف الأنظار من أول لحظة!
حب العمر… من أول نظرة!
أكدت ليلى زاهر أنها تزوجت من “حب حياتها”، وقالت:
“الحب اللي بيني وبين هشام مش سهل تلاقيه، وعشان كده أنا تمسكت بيه من أول لحظة، حاسة إني أسعد ست في الدنيا.”
وأضافت إنها دايمًا بتحس بالأمان والحنان معاه، وده كان كافي يخلي اليوم ده “أجمل يوم في حياتها”.
حفل بطابع فرعوني.. في قلب التاريخ
عن اختيارهم لهرم سقارة كموقع للحفل، قالت ليلى:
“مين ما بيحلمش بفرح قدّام الأهرامات؟ بس إحنا حبينا نعملها بطريقتنا، علشان كده اخترنا سقارة.. مكان كله تاريخ ومميز في كل تفصيلة، زي اليوم اللي بنحتفل فيه.”
دموع السعادة.. ورقصة البداية
بدأ الحفل برقصة سلو رومانسية بين العروسين، ما قدرتش ليلى تمنع دموعها من الفرحة، وكانت لحظة مؤثرة حبست أنفاس الحاضرين.
مفاجأة غنائية.. من هشام إلى ليلى
قدم هشام جمال مفاجأة رومانسية لعروسته، وهي أغنية بعنوان “أنا وليلى بقينا لبعض”، أداها النجم حسين الجسمي وسط تفاعل قوي من الحضور.
حفل غنائي ضخم.. نجوم على المسرح!
شارك في إحياء الحفل مجموعة من ألمع نجوم الغناء:
تامر حسني، محمد حماقي، محمد فؤاد، وأحمد سعد، واللي أشعلوا الأجواء وغنوا للعروسين وسط تصفيق وهتاف الحضور.
كوكبة من النجوم.. حضور مميز
شهد الحفل حضور عدد كبير من نجوم الفن والرياضة والإعلام، أبرزهم:
يسرا، ليلى علوي، محمد سامي، مي عمر، محمود الخطيب، لقاء سويدان، إيهاب توفيق، شيري عادل، ريهام عبد الغفور، وغيرهم كتير من الوجوه المعروفة.
